Punëtorët të cilët në format më të vështira sigurojnë të ardhurat e tyre familjare, çdo ditë e më shumë po rrezikohen në vendin e punës, shkruan Llapi.info.

Këtë më së miri e dëshmon një video të cilën e ka dërguar një qytetar i Podujevës në të cilën shihet se si një punëtor i ndërtimtarisë i cili punon në një objekt në ndërtim në Podujevë, qëndron në një shtyllë të hollë pa masa tjera mbrojtëse në katin e pestë.

Por ani pse Rregullorja për mbrojtjen, sigurinë në punë, shëndetin dhe mjedisin e punës në shërbimin civil komunal, neni 4 pika 1 obligon Personelin udhëheqës që ta organizoi punën në mënyrë që secili punëtor të punojë pa rrezikuar shëndetin dhe jetën e tij dhe të punëtorëve të tjerë, kjo gjë nuk po respektohet.

“Neni 4 4.1. Procesi i punës duhet të organizohet, në mënyrë që secili punëtor të punojë pa rrezikuar shëndetin dhe jetën e tij dhe të punëtorëve të tjerë. 4.2. Përparimi i organizimit dhe i procesit të punës, me të cilin garantohet siguria e shërbyesve civilë, është detyrë themelore e udhëheqësit të Personelit, udhëheqësve të drejtorive dhe përgjegjësve të tjerë në Shërbimin civil komunal.”, thuhet në Rregullores për mbrojtjen, sigurinë në punë, shëndetin dhe mjedisin e punës në shërbimin civil komunal.

https://www.youtube.com/watch?v=oKIh476Cbwg